.                      

Tónleikaferð til m.a. New Orleans, Mississippi og Memphis.

Kom við á eina heilt serliga ferð, har vit leita aftur til tónleikaligu røturnar í amerikonsku suðurstatunum á páskum 2026.

Vit uppliva jazzin í New Orleans, blúsin í Mississippi, og rokk’n’rollin í Memphis.
Á ferðini vitja vit í Tupelo, har Elvis undir fátæksligum umstøðum varð føddur. Vit vitja eisini Graceland og Sun Studio í Memphis, har Elvis búði og fekk síni fyrstu hitt.

Í Memphis vitja vit eisini í National Museum of Civil Rights, har Martin Luther King varð myrdur í 1968. 
Vit koyra ígjøgnum Mississippi Delta økið, har serliga intensiva trælahaldið var við til at skapa blústónleikin.

Vit vitja legendariska Crossroads gittarmonumentið í Clarksdale, har Robert Johnson segðist selja sína sál til hin grábeinta fyri at fáa sínar gittarførleikar.
Vit koyra eftir søguliga Highway 61 fram við Mississippiánni og vitja á Frogmore Plantation og síggja, hvussu trælatíðin sá út.

Síðandi fara vit til Baton Rouge, har Kris Kristofferson fekk íblásturin til Me and Bobby McGee.

Vit vitja Jimmie Rodgers savnið í Meridian, har country-tónleikurin byrjaði.

Vit vera nakrar dagar í tí eksotiska New Orleans, har vit uppliva søguliga býarpartin French Quarter, tí heimskendu Bourbon Street og vit sigla við dampskipi á Mississippiánni, vitja Louis Armstrong Park og legendariska Congo Square.

Vit vitja bæði Grand Ole Opry og Country Music Hall of Fame í Nashville.

Tónleikatúrurin er ikki bara ein ferð til eitt annað land – tað er ein ferð aftur til hjartað av mentanini, har tónleikur, søga og kenslur ganga hond í hond. Vit hava sjálvandi gittar við og skipa fyri bæði Kristofferson- og Elvis-kvøldi.

Ferðaleiðarar eru Rani Nolsøe og Eyðbjørn Poulsen.

.

Ferðatíðir:

• 30. mars Vágar - Keflavík , fráferð kl. 14:30, koma kl. 15:25
• 30. mars Keflavík - Nashville, fráferð kl. 17:10, koma kl. 19:30
• 12. apríl Nashville - Keflavík, fráferð kl. 20:55, koma kl. 08:40 (+1 dag)
• 13. apríl Keflavík - Vágar, fráferð kl. 10:55, koma kl. 13:45

Fyribils skrá:

30. mars, dagur 1: Ferðin byrjar í Vágum, vit flúgva umvegis Ísland til Nashville. Tá vit eru lend, koyra vit til hotellið
31. mars, dagur 2: Vitja í Tupelo, har Elvis Presley varð føddur, og vit skipa fyri einum Elvis-kvøldi
1. apríl, dagur 3: Fara til Meridian og vitja savnið hjá country-konginum Jimmie Rodgers
2. apríl, dagur 4-8: Koyra til New Orleans og gista har í fimm nætur
7. apríl, dagur 9: Vitja í Baton Rouge, har vit skipa fyri einum Kris Kristoffersen-kvøldi
8. apríl, dagur 10: Koyra til Jackson í Mississippi Delta økinum
9. apríl, dagur 11: Fara til Memphis og gista tvær nætur
11. apríl, dagur 12; Koyra til Nashville og gista eina nátt
12. apríl, dagur 13: Heimferðin byrjar

Gistingarstøð:

30. mars Nashville eina nátt
31. mars Tupelo eina nátt
1. apríl Meridian eina nátt
2. apríl til 7. apríl New Orleans fimm nætur
7. apríl Baton Rouge eina nátt
8. apríl Jackson eina nátt
9. apríl Memphis tvær nætur
11. apríl Nashville eina nátt

Pakkaprísur kr. 34.950 fyri hvønn persón í dupultkamari.

Íroknað: flogferð, gisting, morgunmatur á hotellunum, bussur og atgongumerki til Mississippi River Cruise, WW2 museum, Civil War Museum, Jazz Museum, Jimmie Rodgers Museum, føðistaðið hjá Elvis í Tupelo, Graceland, Sun Records, Civil Right Museum, Grand Ole Ophry og Country Music Hall of Fame.

Tað ber til at fáa einmanskamar fyri kr. 48.550. 

GG! Avmarkað Nøgd. Túrurin verður bert gjørdur, um nóg nógv melda til. Fyrivarni verður tikið fyri broytingum og villum.