Gran Canaria frá 17. desembur 2025 til 8. apríl 2026

Komandi vetur fáa føroyingar aftur høvið at flúgva beinleiðis til sólina á Gran Canaria. Flogið verður beinleiðis hvønn týsdag úr Føroyum til Gran Canaria frá 13. januar til 31. mars 2026, og heim aftur mikudagar frá 14. januar til 8. apríl. Seinasti túrur er 8. apríl 2026, tá verður bert flogið frá Gran Canaria til Vágar, tað er ikki møguleiki at koma við Vágar - Gran Canaria tann dagin.  Um jólini og nýttár verður flogið annaleiðis, sí dato niðanfyri. 

Um jólini 2025/2026

2025:

• 17. desembur til Gran Canaria (ber ikki til at flúgva heim til Føroyar)
• 26. desembur til Gran Canaria
• 27. desembur til Føroyar

2026

• 06. januar til Gran Canaria og aftur sama dag.  
• 13. januar til 31. mars verður flogið til Gran Canaria týsdagar. 
• 14. januar til 8. apríl verður flogið til Føroyar mikudagar.

Suðursíðan av Gran Canaria er tann mest vitjaða, har finnast hópin av hotellum og íbúðum. Playa Del Ingles, Maspalomas, Meloneras, Puerto Rico ella Mogan, hetta eru nakrir av teimum mest vitjaðu býunum.  Í okkara pakkaferðum er sjálvandi eisini flutningur íroknaður. 

Tað ber sjálvandi til at fáa pakkar við øðrum hotellum eisini, her hava vit bara tikið nøkur dømir. Hava tit onnur ynskir, so siga tit bara okkara seljarum frá, so fáa tit eitt tilboð upp á tað. 

Playa del Inglés er uttan iva lívligasti og størsti feriubýurin á Gran Canaria. Tað er ein góð samanrenning av sól, strond og undirhald, og frálíkir møguleikar til shopping, matstovur, barrir og mang annað. Mjúka sandstrondin á Playa del Inglés er tann størsta og longsta strondin á Gran Canaria, og breiðir seg líka suður til Meloneras. 

Maspalomas er eitt vælumtókt frítíðarøki sunnast á oynni, við longstu sandstondini á Gran Canaria. Strondin breiðir seg frá Playa del Inglés til býin Meloneras. Harumframt liggur stóra og vakra sandoyðinmørkin, Dunas de Maspalomas, eisini á økinum. Hópin av møguleikum eru, bæði til børn og vaksin. Býurin liggur ein stuttan gongutúr frá størsta feriubýin Playa del Inglés, og eksklusiva Meloneras.

Puerto Rico er býurin, ið hevur flest sóltímar á øllum Gran Canaria. So um er ynskið um at njóta sólina, so er hetta tað tryggasta valið. Býurin hevur nógv at bjóða uppá, bæði til børn og vaksin. Hotelli Fram við hvítu og fínu strondini eru freiri matstovur og barrir. Eitt sindur vestanfyri, liggur Playa de Amadores, ið er ein snjóhvít strond, ið er ein tann vakrasta strondin á oynni.

Puerto de Mogán er beint norðanfyri Puerto Rico, á suðurvest síðuni av Gran Canaria. Býurin er ein sera friðsælur og hugnaligur havnabýur, við fleiri útróðar- og frítíðarbátum. Harumframt er ein deilig 250 metra lang sandstrond. Framvið strandarvegnum eru fleiri handlar og matstovur - har marknaður er á skránni hvønn fríggjadag. 

San Agustín liggur eystanfyri Playa del Inglés. Býurin er ein sera vakur, grønur og hugnaligur feriubýur. Niðri við sjógvin er ein deilig sandstrond, og ein strandarvegur, ið gongur suður til Playa del Inglés -ein góður gongutúrur á umleið fýra kilometrar. Strondin er sera barnavinarlig, og grynnur langt út. Í býnum eru fleiri matstovur og eitt gott shoopingsentur. San Augustín er ein meiri friðaligur býur, so er ynskið um eina avslappandi og róliga feriu, er San Augustín sera væl egnað.